ਕਲਾਮ ਸ਼ਾਹ ਹੁਸੈਨ ਜੀ
ਰਹੀਏ ਵੋ ਨਾਲ਼ ਸੱਜਣ ਦੇ ਰਹੀਏ ਵੋ।
ਲੱਖ-ਲੱਖ ਬਦੀਆਂ ਤੇ ਸਉ ਤਾਹਨੇ
ਸਬੋ ਸਿਰ ਤੇ ਸਹੀਏ ਵੋ।
ਤੋੜੇ ਸਿਰ ਵੰਝੇ ਧੜ ਨਾਲੋ਼ਂ
ਤਾਂ ਵੀ ਹਾਲ ਨਾ ਕਹੀਏ ਵੋ।
ਸੁਖਨ ਜਿਨ੍ਹਾਂ ਦਾ ਹੋਵੇ ਦਾਰੂ
ਹਾਲ ਉਥਾਈਂ ਕਹੀਏ ਵੋ।
ਚੰਦਨ ਰੁੱਖ ਲਗਾ ਵਿਚ ਵਿਹੜੇ
ਜ਼ੋਰ ਧਿਕਾਣੇ ਖਹੀਏ ਵੋ।
ਕਹੈ ਹੁਸੈਨ ਫ਼ਕੀਰ ਸਾਈਂ ਦਾ
ਜੀਵੰਦਿਆਂ ਮਰ ਰਹੀਏ ਵੋ।
ਸਾਹਿਤਕ ਇੰਟਰਨੈੱਟ ਮੈਗਜ਼ੀਨ "ਸ਼ਬਦ ਸਾਂਝ" 'ਤੇ ਆਪਜੀ ਦਾ ਨਿੱਘਾ ਸਵਾਗਤ ਹੈ । ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇਹ ਇੱਕ ਨਿਮਾਣਾ ਜਿਹਾ ਉੱਦਮ ਹੈ । "ਸ਼ਬਦ ਸਾਂਝ" ਦਾ ਕਿਸੇ ਵੀ ਰਾਜਨੀਤਿਕ, ਵਪਾਰਿਕ ਜਾਂ ਧਾਰਮਿਕ ਸੰਸਥਾ ਨਾਲ ਕੋਈ ਸਿੱਧਾ ਜਾਂ ਅਸਿੱਧਾ ਸੰਬੰਧ ਨਹੀਂ ਹੈ । ਆਪ ਜੀ ਦੇ ਹੁੰਗਾਰੇ ਦੀ ਭਰਪੂਰ ਆਸ ਰਹੇਗੀ ।
No comments:
Post a Comment