ਐਡੀਲੇਡ : "ਪੰਜਾਬੀ ਕਲਚਰਲ ਐਸੋਸੀਏਸ਼ਨ, ਸਾਊਥ ਆਸਟ੍ਰੇਲੀਆ" ਤੇ ਆਸਟ੍ਰੇਲੀਆ ਦੇ ਇਕਲੌਤੇ ਸਾਹਿਤਕ ਇੰਟਰਨੈੱਟ ਮੈਗਜ਼ੀਨ "ਸ਼ਬਦ ਸਾਂਝ" ਵਲੋਂ ਪ੍ਰਵਾਸੀ ਸ਼ਾਇਰ ਸ਼ਮੀ ਜਲੰਧਰੀ ਦੀ ਕਲਮ 'ਚੋਂ ਜਨਮੀਆਂ ਰੋਮਾਂਟਿਕ ਉਰਦੂ ਗ਼ਜ਼ਲਾਂ ਦੀ ਲੜੀ ਕਲਾਸੀਕਲ ਗਾਇਕ ਜਨਾਬ ਸੁਨੀਲ ਡੋਗਰਾ ਤੇ ਜਨਾਬ ਨਵਲ ਪੰਡਿਤ ਦੀ ਆਵਾਜ਼ 'ਚ ਜਲਦੀ ਹੀ ਸਰੋਤਿਆਂ ਦੀ ਨਜ਼ਰ ਕੀਤੀ ਜਾ ਰਹੀ ਹੈ । ਸ਼ਮੀ ਜਲੰਧਰੀ ਪੰਜਾਬੀ ਸ਼ਾਇਰੀ ਦਾ ਨਿਵੇਕਲਾ ਹਸਤਾਖਰ ਹੈ, ਜਿਸ ਦੁਆਰਾ ਲਿਖੇ ਗਏ ਗੀਤਾਂ ਤੇ ਗਜ਼ਲਾਂ ਦਾ ਵਿਸ਼ਾ ਹਮੇਸ਼ਾ ਸਮਾਜਿਕ ਰਿਹਾ ਹੈ । ਸ਼ਮੀ ਦੇ ਲਿਖੇ ਗੀਤਾਂ ਦੀ ਸੀ.ਡੀ. "ਜਾਗੋ ਵੇਕਅਪ" ਨੂੰ ਸਰੋਤਿਆਂ ਦਾ ਭਰਪੂਰ ਹੁੰਗਾਰਾ ਮਿਲਿਆ, ਜਿਸਦੇ ਸਾਰੇ ਗੀਤਾਂ 'ਚ ਸਮਾਜ ਨੂੰ ਜਾਗ੍ਰਿਤ ਹੋਣ ਲਈ ਹਲੂਣਾ ਦਿੱਤਾ ਗਿਆ ਹੈ । ਸ਼ਮੀ ਦੀਆਂ ਰਚਨਾਵਾਂ ਦੀਆਂ ਦੋ ਕਿਤਾਬਾਂ "ਗਮਾਂ ਦਾ ਸਫ਼ਰ" 'ਤੇ "ਵਤਨੋਂ ਦੂਰ" ਵੀ ਮਾਰਕਿਟ 'ਚ ਆ ਚੁੱਕੀਆਂ ਹਨ 'ਤੇ ਉਸਦੀ ਆਪਣੀ ਆਵਾਜ਼ 'ਚ ਨਜ਼ਮਾਂ ਦੀ ਸੀ.ਡੀ. "ਦਸਤਕ" ਪਿੱਛੇ ਜਿਹੇ ਰਿਲੀਜ਼ ਹੋਈ ਹੈ । ਜਿ਼ਕਰਯੋਗ ਹੈ ਕਿ ਜਲਦੀ ਹੀ ਪਾਕਿਸਤਾਨ ਦੀ ਇੱਕ ਸਾਹਿਤਕ ਸੰਸਥਾ ਸ਼ਮੀ ਦੀਆਂ ਰਚਨਾਵਾਂ ਸੁਨੀਲ ਡੋਗਰਾ ਵੀ ਗ਼ਜ਼ਲ ਗਾਇਕੀ 'ਚ ਤੇਜ਼ੀ ਨਾਲ਼ ਚਮਕ ਬਿਖੇਰ ਰਿਹਾ ਨਾਮ ਬਣਦਾ ਜਾ ਰਿਹਾ ਹੈ । ਪੰਜਾਬ ਦੇ ਵੱਖ ਵੱਖ ਸ਼ਹਿਰਾਂ 'ਚ ਪੰਜਾਬੀ ਗ਼ਜ਼ਲ ਗਾਇਕੀ ਦੀਆਂ ਮਹਿਫਿਲਾਂ ਸਜਾਉਣ ਤੋਂ ਬਾਅਦ ਉਹ ਸ਼ਮੀ ਦੀਆਂ ਉਰਦੂ ਰਚਨਾਵਾਂ ਨਾਲ਼ ਆਪਣੇ ਸਰੋਤਿਆਂ ਨੂੰ ਨਵੇਂ ਅਹਿਸਾਸ ਨਾਲ਼ ਸਰੋਬਾਰ ਕਰਵਾਉਣ ਜਾ ਰਿਹਾ ਹੈ । ਸ਼ਾਇਰੀ ਤੇ ਆਵਾਜ਼ ਦੇ ਇਸ ਖੂਬਸੂਰਤ ਸੁਮੇਲ ਦੀ ਪਹਿਲੀ ਉਰਦੂ ਗ਼ਜ਼ਲ ਆਉਣ ਵਾਲੇ ਦਿਨਾਂ 'ਚ ਪੇਸ਼ ਕੀਤੀ ਜਾ ਰਹੀ ਹੈ, ਜਿਸਦੇ ਬੋਲ ਹਨ..
“ਆਜ ਫਿਰ ਮੈਨੇਂ ਉਸੇ ਗੁਲਾਬ ਦਿਆ,
ਉਸਨੇ ਵੋ ਹੀ ਮੁਝੇ ਜਵਾਬ ਦਿਆ”
'ਤੇ ਮੁੜ ਇਸੇ ਆਵਾਜ਼ 'ਚ ਇੱਕ ਹੋਰ ਗ਼ਜ਼ਲ ਪੇਸ਼ ਕੀਤੀ ਜਾਵੇਗੀ...
“ਉਨ ਮਖਮਲੀ ਹਾਥੋਂ ਮੇਂ ਅਜਬ ਸੀ ਬਾਤ ਹੈ
ਹਿਨਾ ਕੇ ਰੰਗ ਮੇਂ ਛੁਪੀ ਕਾਇਨਾਤ ਹੈ”
ਉਸਤੋਂ ਬਾਅਦ ਕੈਨੇਡਾ ਵਾਸੀ ਗ਼ਜ਼ਲ ਗਾਇਕ ਨਵਲ ਪੰਡਿਤ ਦੀ ਆਵਾਜ਼ 'ਚ ਸ਼ਮੀ ਦੀ ਇੱਕ ਹੋਰ ਉਰਦੂ ਗ਼ਜ਼ਲ ਜਲਦੀ ਹੀ ਇਸੇ ਬੈਨਰ ਹੇਠ ਪੇਸ਼ ਕੀਤੀ ਜਾ ਰਹੀ ਹੈ ।
ਬਾਤੋਂ ਬਾਤੋਂ ਮੇਂ ਸ਼ਾਮ ਹੋ ਨਾ ਜਾਏ
ਪਹਿਲੀ ਮੁਲਾਕਾਤ ਬਦਨਾਮ ਹੋ ਨਾ ਜਾਏ”
ਆਸ ਕਰਦੇ ਹਾਂ ਕਿ ਸ਼ਮੀ ਆਪਣੀ ਸ਼ਾਇਰੀ ਨੂੰ ਪੰਜਾਬੀ ਤੱਕ ਹੀ ਸੀਮਿਤ ਨਾ ਰੱਖਕੇ ਸਰਹੱਦ ਪਾਰ ਸਰੋਤਿਆਂ / ਪਾਠਕਾਂ ਦੇ ਦਿਲਾਂ ‘ਚ ਆਪਣੀ ਜਗ੍ਹਾ ਮੱਲਣ ‘ਚ ਕਾਮਯਾਬ ਰਹੇਗਾ ।
***
No comments:
Post a Comment