ਹੁੰਗਾਰਾ ਜੇਹਾ ਦਿਓ ਮੈਂ ਕੋਈ ਗੀਤ ਵੰਡਾਂਗਾ
ਹੋਰ ਹੈ ਕੀ ਮੇਰੇ ਕੋਲ ਹਰਫ਼ਾਂ ਸਿਤਾਰਿਆਂ ਵਗੈਰ
ਲਿਆਓ ਤਲੀਆ ਵਿਖਾਓ ਮੈਂ ਕੋਈ ਲੀਕ ਵੰਡਾਂਗਾ
ਨੇਕ ਰਾਹ ਜੇਹੇ ਬਣਾਵਾਂ ਤਵੀ ਬੈਠਣਾ ਸਿਖਾਵਾਂ
ਗੜ੍ਹੀ ਚ ਖੇਡਣਾ ਹੈ ਕਿਸ ਦਿਨ ਉਹ ਤਾਰੀਖ਼ ਵੰਡਾਂਗਾ
ਤੂੰ ਕੱਦ ਸਾਡੇ ਦੇਖ ਇਹ ਨਾ ਨੀਹਾਂ ਸਾਡੇ ਮੇਚ
ਤੇਰੀ ਇੱਕ 2 ਇੱਟ ਲਈ ਮੈਂ ਸ਼ਰੀਕ ਵੰਡਾਂਗਾ
ਇਹ ਜੋ ਚੰਦ ਤੇ ਸਿਤਾਰੇ ਜਗਣ ਰੀਝਾਂ ਦੇ ਕਿਨਾਰੇ
ਮਹਿਫ਼ਿਲ ਇਹਨਾਂ ਦੀ ਸਜਾ ਰੁੱਖੀਂ ਸੰਗੀਤ ਵੰਡਾਂਗਾ
ਜੋ ਰਹਿ ਗਈ ਮਹਿੰਦੀ ਦੇ ਸਹਾਰੇ ਸੁਣ ਨਿੱਕੇ 2 ਲਾਰੇ
ਓਸ ਕੁੜੀ ਦੇ ਰਾਹਾਂ ਚ ਕੋਈ ਉਡੀਕ ਵੰਡਾਂਗਾ
ਬਦੇਸ਼ੀਂ ਤੋਰੇ ਜਿਹਨਾਂ ਸਿਤਾਰੇ ਜਾਗਣ ਰਾਤਾਂ ਦੇ ਸਹਾਰੇ
ਓਹਨਾਂ ਅੱਖਾਂ ਲਈ ਵੀ ਰਿਸ਼ਮ ਬਾਰੀਕ ਵੰਡਾਂਗਾ
No comments:
Post a Comment